Shkaqet më të shpeshta
- Ajër në radiator: i ftohtë lart, i nxehtë poshtë.
- Ventili termostatik ka ngecur gjatë verës dhe nuk hapet më.
- Ventili në anën tjetër të radiatorit është mbyllur.
- Sistemi i pabalancuar: radiatorët afër kaldajës e marrin gjithë ujin e nxehtë.
- Pompa është e dobët ose ka ndalur.
- Llum në fund të radiatorit: i nxehtë lart, i ftohtë poshtë.
Çka mund të kontrolloni vetë, pa rrezik
- Prekni çdo radiator lart dhe poshtë, dhe shënoni cilët janë të ftohtë dhe ku.
- Kthejeni kokën termostatike në vlerën më të lartë.
- Nëse radiatori është i ftohtë lart, ajroseni.
- Shikoni manometrin e kaldajës dhe krahasojeni me zonën e prodhuesit.
- Dëgjoni pompën: një zhurmë e re ose heshtja e plotë janë të dyja shenja.
Kur me thirr Ustah-un
- Radiatori është i nxehtë lart e i ftohtë poshtë: zakonisht llum, sistemi duhet pastruar.
- Ventili termostatik nuk hapet edhe kur e ktheni.
- Pompa bën zhurmë ose nuk punon.
- Presioni bie, ose radiatorët e largët nuk nxehen kurrë mirë.
Pyetje të tjera
Çka do të thotë balancimi i sistemit?
Mjeshtri i ngrohjes i rregullon ventilat e kthimit që secili radiator të marrë pjesën e vet të ujit të nxehtë, jo vetëm ata që janë afër kaldajës.
A ndikon nëse e mbuloj radiatorin?
Po. Mobiljet para radiatorit, perdet e trasha dhe rrobat që thahen mbi të e ndalin nxehtësinë të dalë në dhomë. Lëreni radiatorin të lirë.
Pse ngec ventili termostatik pas verës?
Kur nuk lëviz për muaj të tërë, kunji i vogël brenda ventilit mund të ngecë. Shpesh mjafton që mjeshtri ta lirojë; ndonjëherë ventili duhet ndërruar.
Shkruar nga Ekipi i Ustah · përditësuar më . Këto këshilla nuk e zëvendësojnë kontrollin e një mjeshtri në vend.