Elektricitet · Pyet Ustah-un

Pse dridhen dritat në shtëpi?

Nëse dridhet vetëm një llambë, shkaku zakonisht është vetë llamba, rregullatori i dritës ose fasungu. Nëse dridhen dritat në tërë shtëpinë, sidomos kur ndizet një pajisje e madhe, mund të jetë një lidhje e liruar ose rrjeti, dhe kjo kërkon elektricistin.

Shkaqet më të shpeshta

  • Llambë LED që nuk punon mirë me rregullatorin e dritës.
  • Llambë e liruar në fasung, ose fasung i lodhur.
  • Çelës i lodhur që nuk bën kontakt të mirë.
  • Lidhje e liruar në një prizë, kuti ose në tabelë: kjo nxehet dhe është e rrezikshme.
  • Ndezja e një pajisjeje të fuqishme, si bojleri, ngrohësi ose klima.
  • Problem në rrjetin e jashtëm, që ndihet edhe te fqinjtë.

Çka mund të kontrolloni vetë, pa rrezik

  1. Fikni dritën nga çelësi, prisni sa të ftohet llamba dhe ndërrojeni me një tjetër që e dini se punon.
  2. Vëreni a dridhen dritat vetëm kur ndizet një pajisje e caktuar.
  3. Pyesni fqinjtë a u dridhen edhe atyre. Nëse po, njoftoni operatorin e shpërndarjes së rrymës (KEDS).
  4. Dëgjoni për kërcitje te çelësat dhe prizat, dhe prekni me kujdes pllakën e tyre nga jashtë: nuk duhet të jetë e ngrohtë.

Kur me thirr Ustah-un

  • Dridhen dritat në të gjithë shtëpinë, jo vetëm një llambë.
  • Një prizë ose çelës është i ngrohtë, kërcet ose ka erë.
  • Dridhja ndodh sa herë ndizet bojleri ose ngrohësi.
  • Tabela është e vjetër dhe nuk keni diferencial.

Kërko ofertë

Pyetje të tjera

A është e rrezikshme një llambë që dridhet?

Një llambë e vetme që dridhet zakonisht nuk është e rrezikshme, vetëm e bezdisshme. Rrezik ka kur shkaku është një lidhje e liruar, sepse ajo nxehet. Prandaj ia vlen të provoni së pari një llambë tjetër.

Pse dridhen vetëm llambat LED?

Disa llamba LED nuk janë bërë për rregullator drite, ose nuk përputhen me rregullatorin që keni. Në paketim shkruhet nëse llamba punon me rregullator.

Shkruar nga Ekipi i Ustah · përditësuar më . Këto këshilla nuk e zëvendësojnë kontrollin e një mjeshtri në vend.

Elektricitet në qytetin tuaj

Lexoni edhe