Shkaqet më të shpeshta
- Kontakt i liruar brenda prizës ose te kabllot pas saj.
- Spinë e dëmtuar e pajisjes.
- Mbingarkesë: një pajisje e fuqishme ose shumë pajisje në të njëjtën prizë.
- Prizë e vjetër, me kontakte të lodhura që nuk e shtrëngojnë më spinën.
- Lagështi brenda prizës.
Çka mund të kontrolloni vetë, pa rrezik
- Fikeni siguresën e atij qarku në tabelë.
- Shikoni spinën e pajisjes: nëse është nxirë ose shkrirë, edhe pajisja duhet kontrolluar.
- Mos e përdorni më atë prizë, as për një pajisje të vogël, deri sa të kontrollohet.
- Shënoni çka ishte lidhur dhe sa kohë: elektricistit i ndihmon.
Kur me thirr Ustah-un
- Gjithmonë, kur priza është nxehur, nxirë ose ka erë të djegur.
- Kur siguresa bie sa herë përdoret ajo prizë.
- Kur disa priza në shtëpi janë të liruara dhe spina bie vetë.
- Kur instalimi është i vjetër dhe prizat nxehen shpesh: elektricisti e kontrollon tërë qarkun, jo vetëm një prizë.
Pyetje të tjera
A mjafton ta ndërroj vetëm pajisjen?
Jo nëse priza është nxehur: dëmi zakonisht është edhe brenda prizës. Elektricisti e kontrollon prizën dhe lidhjet pas saj.
A është normale që priza të jetë pak e ngrohtë?
Me një pajisje të fuqishme, si ngrohësi, spina mund të ngrohet pak. Por nëse nuk mund ta mbani dorën mbi të, nëse ka ndryshuar ngjyrë ose ka erë, nuk është normale.
A mund ta përdor prizën ngjitur?
Shpesh prizat ngjitur janë në të njëjtin qark dhe në të njëjtat kabllo. Mos i përdorni deri sa elektricisti ta ketë parë.
Shkruar nga Ekipi i Ustah · përditësuar më . Këto këshilla nuk e zëvendësojnë kontrollin e një mjeshtri në vend.