Shkaqet më të shpeshta
- Mbingarkesë: shumë pajisje të fuqishme në të njëjtin qark, si ngrohësi, furra, bojleri dhe lavatriçja bashkë.
- Qark i shkurtër: një pajisje, spinë ose kabllo e dëmtuar.
- Ka rënë diferenciali (mbrojtja me butonin e provës): rryma po ikën diku, shpesh nga lagështia ose një pajisje me defekt.
- Siguresë e vjetër dhe e lodhur, që bie edhe pa mbingarkesë.
Çka mund të kontrolloni vetë, pa rrezik
- Shikoni në tabelë cila siguresë ka rënë, dhe a është siguresë e zakonshme apo diferenciali.
- Shkëputni nga prizat pajisjet e atij qarku, ngrijeni siguresën, pastaj ndizni pajisjet një nga një. Ajo pas së cilës bie siguresa është fajtorja.
- Nëse bie vetëm kur punojnë ngrohësi dhe furra bashkë, mos i përdorni njëkohësisht.
- Prekni vetëm levën e siguresës. Kapaku i tabelës nuk hapet.
Kur me thirr Ustah-un
- Siguresa bie edhe kur asnjë pajisje nuk është e lidhur.
- Diferenciali bie pa ndonjë shkak që e shihni.
- Ka erë të djegur, shenja të zeza ose kërcitje në tabelë.
- Tabela është e vjetër, me siguresa me fije në vend të levave.
Pyetje të tjera
Çka është diferenciali dhe pse bie?
Diferenciali i mbron njerëzit nga goditja elektrike: bie kur një pjesë e rrymës ikën nga qarku, për shembull nga lagështia ose nga një pajisje e dëmtuar. Mos e anashkaloni kurrë dhe mos e lini të rënë pa e kuptuar pse.
A guxoj me e ndërru vetë siguresën?
Jo. Çdo punë brenda tabelës bëhet nga elektricisti, me rrymën e fikur nga jashtë tabelës.
Shkruar nga Ekipi i Ustah · përditësuar më . Këto këshilla nuk e zëvendësojnë kontrollin e një mjeshtri në vend.